అమ్మలగన్నయమ్మ

 ఓం శ్రీ మాత్రే నమః

మీకు అందరకూ విజయదశమి శుభాకాంక్షలు.

ఉత్పలమాల: 

అమ్మలగన్నయమ్మ! మనమందున నమ్మితి నమ్మ నమ్ముమా!

ఇమ్మిక మించు సంపదల నిమ్మిక విద్యలనెల్ల నాకె నీ  

విమ్మిక కీర్తి, భోగముల నిమ్మనుచున్ మరి గోరబోను లే

ఇమ్మహి నీదయన్ విడక నిమ్ముగ నాపయి జూప చాలుగా!

విజయ! దుర్గ!

 శ్రీ మాత్రే నమః

అందరికీ విజయదశమి శుభాకాంక్షలు.

సీసము.

ధరణిలో జనులకున్ దారిద్ర్యముల బాపి

కలుముల నీయుమా గౌరి! గిరిజ!

మాదక ద్రవ్యముల్ మానని యున్మత్తు

మత్తునే తొలగించుమా భవాని!

వావి వరుసదప్పి వయసునే దలచని

కాముకులను గాల్చు కాళికాంబ!

క్రొత్తరోగములిచ్చు కొమ్ముల పురుగులన్

ఛిద్రమ్ముజేయుమా సింహయాన!

ఆటవెలది.

శాంతి సౌఖ్యములను సమృద్ధిగానిడి

నరుల గావుమమ్మ గిరిజ! చండి!

విజయదశమి నాడు విధిగనిన్ గొల్తుము

విజయమీయుమమ్మ విజయ! దుర్గ!

విజయద!

 శ్రీ మాత్రే నమః

అందరికీ విజయదశమి శుభాకాంక్షలు.

ఆటవెలది:

విజయ దశమి "నేడు" వేడుకొందునుతల్లి

వచ్చె మహిషు మించు "వైరసి"పుడు

వేగ "టీక" నిచ్చు విజ్ఞానమందించు

విజయద! శమియించ విష విపత్తు.

విజయమ్ముల నీయుమ విశ్వరూపిణీ!

అందరికీ విజయదశమి శుభాకాంక్షలు. 

శ్రీ మాత్రే నమః 

ఉత్పలమాల: 
కమ్మని జ్ఞానవంతులుగ గమ్మని దీవెనలందజేసి మో   
దమ్మును బంచి మా బ్రతుకు దమ్మున నీడ్చెడు శక్తినిచ్చి దా
నమ్ముల జేయు బుద్ధి వదనమ్ముల తేజము బెంపుజేసి న్యా
యమ్ముల వర్తనమ్ము విజయమ్ముల నీయుమ విశ్వరూపిణీ!  

మమ్మా కలి

అందరికీ విజయదశమి శుభాకాంక్షలు. 

శ్రీమాత్రే నమః. 




కందము: 
అమ్మకడ నున్న శిశువుల
కిమ్మహిలో భయము గలద?హే జగదంబా!
మమ్మాకలి బాధలు, కను
మమ్మా! కలికల్మషములు మరియంటవుగా!  

మహిషుని సుతులెటుల గలిగె

మీకు మీ కుటుంబ సభ్యులకు అందరికీ విజయదశమి శుభాకాంక్షలు. 

కం:
మహిషుని దునిమితివనుచును 
మహిజనులిట దలతురుగద మహిమల తల్లీ!
మహిళల నబలల  జెర'చెడు'
మహిషుని సుతులెటుల గలిగె మరి మహిజెపుమా?  

కం:
పంచుము నీ శక్తులనే
మంచిగ నీ యవనిలోని మహిళలకిపుడే
దించగ దుష్టుల మదమును
దంచగ మానమ్ముదోచు దనుజాధములన్. 

అమ్మాయను మాయజేతువమ్మా

వీక్షకులందరికీ  దసరా శుభాకాంక్షలు.

శ్రీ దుర్గాయైనమః








కందము: 
అమ్మాయను మా పిలుపున
కమ్మాయను మాయజేతువమ్మా! మము చే      
కొమ్మా! నీదరి,శంభుని  
కొమ్మా! యిమ్మహి జనులకు కోరినవిమ్మా! 

మీకు అందరికీ విజయదశమి శుభాకాంక్షలు  

శ్రీ దుర్గాయైనమః      

కందము:  
భర్గుని దేవీ ! మాతా !
దుర్గా ! నిన్ మదిని వేడి దోయిలినిడ స 
న్మార్గము జూపింతువు, దు
ర్మార్గము మాదరికి రాగ మసియగు గాదా ! 


కందము:
అ మ్మలకే ప్రియ సుతవే !   
అమ్మలకే యమ్మవీవు యపరాజితవే !    
అమ్మహిషు పాలి కాళీ ! 
అమ్మహిమను మహినిజూప  నఘములు ఖాళీ ! 

జపింతు శాంకరీ - జయమ్ములనీవే

వీక్షకులందరికీ " విజయదశమి " శుభాకాంక్షలు.
భవానీ అనుగ్రహ ప్రాప్తిరస్తు.

విజయ వృత్తము:

జగాలవన్నియున్ - జనించెను నీకే
జగంబులన్నియున్ - జపించును నిన్నే
జపింతు శాంకరీ - జయమ్ములనీవే
వరమ్ము లీయగా – పరాత్పరి  నీవే

భవాని వృత్తము:

మాటగన నర్థమే - మధురగతిని - మసలినటుల
ఘాటగు సు వాసనల్ - కలసి విరుల - కదలినటుల
తేటగను పండ్లలో - తెలియ రుచులు - దిగిన యటుల
వాటముగ దుర్గయే - భవుని గలసి - పరగు నిటుల

సాగరతనయ వృత్తము: 
మనమున్ దలుతున్ మాహేశ్వరీ మా - మానస మునను దీపింప రావా
అనయమ్ము హృదిన్ స్తోత్రింతు మాతా - యార్తిని మలప దీవింప రావా
వినయమ్ముననే పూజింతు దేవీ - వేధించు నఘము ఖండించ రావా
ఘన పూజలతో సేవింతు తల్లీ - కామిత సుధల నందీయ రావా

కనకదుర్గా ! మాతా !

బ్లాగు వీక్షకులు అందరికీ విజయదశమి శుభాకాంక్షలు.

 

కందము:
కినుకను చూపకు మాపై 
కనకమ్మును కోరమమ్మ,  కారుణ్యముతో
గని మాకష్టములన్నిటి
దునుమాడుమ విజయ ! కనకదుర్గా ! మాతా !  

దుర్గా ! కరుణించమ్మా!

బ్లాగు వీక్షకులకు విజయ దశమి శుభాకాంక్షలు.

కందము:
దుర్గా ! కరుణించమ్మా!
దుర్గమమీ బ్రతుకు నడుప దుఃఖము లాయెన్
దుర్గతుల బడక జూడు  కు
దుర్గా నుండేటట్టుల,  దోయిలి పడుదున్.

జయములు గలుగును, అరిషడ్వర్గములారును ఆరును.....

బ్లాగు వీక్షకులందరకు విజయ దశమి శుభాకాంక్షలు.

కం: జయములు గలుగును నిజముగ

       భయములు మరి తొలగి భోగ భాగ్యము లబ్బున్ 

       రయమున చదువులు వచ్చు, వి 

       జయ దశమిని దుర్గ గొలిచి శరణము వేడన్.

కం: దుర్గతి గలుగదు, జీవన

       మార్గము గన స్వర్గ మగును,మనసున అరిష 

       డ్వర్గములారును ఆరును,

       దుర్గను మది దలచి వేడ దురితము లణగున్ .