శ్రీ మాత్రే నమః
అందరికీ విజయదశమి శుభాకాంక్షలు.
సీసము.
ధరణిలో జనులకున్ దారిద్ర్యముల బాపి
కలుముల నీయుమా గౌరి! గిరిజ!
మాదక ద్రవ్యముల్ మానని యున్మత్తు
మత్తునే తొలగించుమా భవాని!
వావి వరుసదప్పి వయసునే దలచని
కాముకులను గాల్చు కాళికాంబ!
క్రొత్తరోగములిచ్చు కొమ్ముల పురుగులన్
ఛిద్రమ్ముజేయుమా సింహయాన!
ఆటవెలది.
శాంతి సౌఖ్యములను సమృద్ధిగానిడి
నరుల గావుమమ్మ గిరిజ! చండి!
విజయదశమి నాడు విధిగనిన్ గొల్తుము
విజయమీయుమమ్మ విజయ! దుర్గ!
No comments:
Post a Comment