కందము:
జనులిక "పెద్దల" మాటల
విను యోగము గలిగియున్న "విన్" యోగమగున్
వినకను వినియోగించక
చనువారికి గెలుపు నడక సాగదు గోలీ!
తేనె రుచిని జూడ తీయదనము లేదు--------------------చెరకు రసపు తీపి చెల్లుబాటుగ లేదు ---------------------- పటిక బెల్లమందు పసయె లేదు---------------------------మధురమాయె పద్య మదియె నాకు------------------
కందము:
జనులిక "పెద్దల" మాటల
విను యోగము గలిగియున్న "విన్" యోగమగున్
వినకను వినియోగించక
చనువారికి గెలుపు నడక సాగదు గోలీ!
శంకరాభరణం బ్లాగునందు 28-8-2020న ఇచ్చిన సమస్యకు నా పూరణ
దత్తపది : పేపర్ - బుక్ - పెన్ - ఇంక్
ద్రౌపది శ్రీకృష్ణునితో అన్న మాటలు.
తేటగీతి:
బాధనోర్చితి బుక్కిట బట్టి బట్టి
సైపలేనింక మాధవా సంధియేల
క్రమ్మె పెన్మాయ మమ్ములన్ గాచి నీవె
అనినిక గెలుపే పరువుగ నందనిమ్ము.
కందము:
ఇల్లాలు సరిగనుండగ
నిల్లంతయు సరిగమపద లేగద, లేదా?
"ఇల్లాల్" గ మారిపోవును
"నిల్ల"గు నానందమంత నిజమిది గోలీ!
కందము:
నగయొక్కటి లేదనుచును
వగజెందుట మేలుగాదు వసుధను జూడన్
మొగమున మాయని యొక చిరు
నగవొక్కటి యున్న జాలు నయముగ గోలీ!
కందము:
తల పేలే పెరుగును గద
తలపే లేనట్టివేళ తల శుభ్రత పై
తలుపులు తెరువవు సుగతికి
తలపులు మరి మురికియైన తధ్యము గోలీ!
కందము:
వీడక నుండిన ధర్మము
పీడలు శాపములు తుదకు వీడును,మేలౌ
క్రీడికి వరముగ మారెను
పేడిగ మారెడు బెడదయె వినరా గోలీ!
మీకు అందరికీ వినాయక చవితి శుభాకాంక్షలు.
కందము:
భేషుగ వార్తల బెడుదురు
సోషల్ మీడ్యాన మంచి సోర్సది, యొకచో
ర్యాషుగ 'వార్' తలబెడుదురు
శోషిం'పగ ' జేయ శాంతి 'సో శాడ్' గోలీ!
కందము:
గీతలు మారగ నరులకు
గీతను బోధించె "గురువు" కృష్ణుడు, నేడా
గీతను చావుకు గురుతగు
మ్రోతగ నికృష్టులిడుర, రోతర గోలీ!
కందము:
వాడకనుండిన భాషలు
వాడకనుండున? తెలియుము వాదించకుమా
వాడినదని వదలక మరి
వాడిన చిగురించు మాతృ భాషయె గోలీ!
కందము:
వాడని వీడని లేదులె
వీడని చిరునవ్వు నింపి విరియుచునెపుడున్
వాడని ముఖమున నిలచిన
పీడల నెదిరించవచ్చు ప్రియముగ గోలీ!
కందము:
తలపై "హెల్మెట్" బెట్టగ
తలగొట్టుక మాటలెన్నొ తడవకు జెప్పన్
తలనేల దూర్చలేదని
తల నేలను దాకి పగుల, దలతురు గోలీ!
కందము:
తప్పులు వెదకెడు వారికి
తప్పులె కనిపించునెపుడు తామొప్పక బల్
నొప్పులను బడుచు నొప్పుల
దప్పులుగా జూపనెంత్రు తప్పక గోలీ!
కందము:
తప్పని జెప్పిన దప్పును
తప్పనిసరి యనుచు జేయ దప్పది తప్పే
తప్పక జేసిన తప్పును
తప్పక సరిజేయ ముప్పు తప్పును గోలీ!
"గోలీ"లు - 3