మీకు అందరికీ వినాయక చవితి శుభాకాంక్షలు.
ఓం శ్రీ మహా గణాధిపతయే నమః
సీసము:
చేటచెవులవాడ చేటునే తొలగించు
చిన్నికనుల ఱేడ సిరులనిమ్ము
గుజ్జు రూపమువాడ గురువువై దీవించు
పెద్దబొజ్జ ప్రభువ ప్రియముగనుము
వక్రతుండస్వామి వాక్కు స్వచ్చతనిమ్ము
ఏకదంత కరుణ నేలుకొనుము
మూషిక వాహనా మోదమ్ము నందించు
కరిమోము గలవాడ కావుమమ్ము
ఆటవెలది:
భక్తితోడ మ్రొక్కి భజనలే జేయుచు
వేడుకొందుమయ్య విఘ్నరాజ
ప్రబలు రోగములను పట్టిమట్టినిద్రొక్కి
ప్రజల గావుమయ్య ఫాలచంద్ర.
---గోలి. 🙏
No comments:
Post a Comment