ఘంటసాల పాటల "కందాలు" - 109

కందము: 

"నరుడే యీనాడూ వా

నరుడైనా"డనెడి పాట నాడున్ నేడున్

ధర నూతనమై వినబడు

నరుడే మారడు మనుజుల నరు డేమార్చున్. 

ఘంటసాల పాటల "కందాలు" - 108

కందము:

ఆ  "యత్తలేని కోడల"

హా యుత్తమురాలెయనుచు నాకోడల్లే

నాయత్తయె గుణవతియను 

మాయుల్లములలరు పాట మరువగ గలమా?

ఘంటసాల పాటల "కందాలు" - 107

 

కందము: 

"కుడియెడమైతే" పాటను

వడగాలికి సిగను పూవు వలదనియనుచున్

విడి మార్గము లేనప్పుడు

సుడినీదుట యేల, మునక సుఖమని తెలిసెన్.

ఘంటసాల పాటల "కందాలు" - 106

 

కందము: 

"కలయిదనీ నిజమిదనీ"

తెలియదులే బ్రతుకిదింతె తెలియుండనుచున్

కలవరపడు మనుజులకే

కల, నిజముల దెలుపు పాట కదరా! వినగా.

ఘంటసాల పాటల "కందాలు" - 105

 

కందము: 

"ఒసె వయ్యారీ రంగీ!"

అసలా పాటను విషాద మగు బాణీలో

సిసలుగ బాధను మ్రింగుచు

పసగానే పాడినావు భారపు మదితో. 

 

ఘంటసాల పాటల "కందాలు" - 104

 

కందము: 

"చెలికాడు నిన్నె రమ్మని

పిలువా" చేరవ యనుచును ప్రియురాలిని తా

వలచిన ప్రియుడే పాడగ

కిలకిల నవ్వుచును చెలియ క్రీగంటగనున్.

ఘంటసాల పాటల "కందాలు" - 103

 

కందము:

"నినునేను మరువ లేనుర"

వినరారా! నా పొలీసు వెంకటసామీ!

కన పంచదార నీవం

చును పాడినపాట తీపి శ్రోతకు పంచున్. 

ఘంటసాల పాటల "కందాలు" -102

కందము: 

"బడిలో యేముందీ" యని

గుడిలో నేముంది యనుచు గొప్పగ పాటన్

బడి,గుడి గొప్పలు మనసుల 

బడి, గుడికొని యుండునట్లు పాడితివయ్యా!

 

 

ఘంటసాల పాటల "కందాలు" - 101

 

కందము: 

శివతాండవ స్తోత్రమ్మది 

భవుడే తానెదుట నిలచి వరమిడునట్లున్ 

భవదీయ కంచు కంఠము

స్తవనీయుని నీలకంఠు సన్నుతి జేసెన్. 

ఘంటసాల పాటల "కందాలు" - 100

కందము: 

"సందేహించకుమమ్మా"

విందగు నాపాట  మాకు వీనులకెపుడున్

వందల మారులు వినదగు 

వందనములు ఘంటసాల! వందనమయ్యా!

ఘంటసాల పాటల "కందాలు" - 99

 కందము: 

"ఓహో! మోహనరూపా!"

ఆహా యాపాట వినగనా హరి లీలల్ 

హేహే! మదిలో మెదలును

జోహారులు ఘంటసాల జోతలు నీకున్.

ఘంటసాల పాటల "కందాలు" - 98

 

కందము: 

"ఓ చంద మామ" యనుచును

ఆ చెలి యందాలభామ యటనెట నుండెన్

చూచుచు జెప్పుమ మనసే

దోచినదని దెల్పు పాట దోచును మదినే.