కందము:
"ఒక్క క్షణం ఒక్క క్షణం"
చక్కని ఆ పాట మదికి సంతసమిచ్చున్
చిక్కని హాయిని మోయుట
మక్కువయను మోయలేని మందమ్మైనన్.
తేనె రుచిని జూడ తీయదనము లేదు--------------------చెరకు రసపు తీపి చెల్లుబాటుగ లేదు ---------------------- పటిక బెల్లమందు పసయె లేదు---------------------------మధురమాయె పద్య మదియె నాకు------------------
కందము:
కందము:
కందము:
"ఆకులు పోకలు" పాటను
మా కంఠమ్మెత్తి బాడ మనసుప్పొంగున్
ఆ కళ్ళతోటి కళ్ళెము
నా కదములు త్రొక్కినట్టు లాడును మదియే.
కందము:
"కలవరమాయే మదిలో"
ఇలలో నీపాట వినగ నెవ్వరికైనన్
కలియుచు వీణయు వేణువు
వలపుల రాగాలబాడు భావన కలుగున్.
కందము:
"నెలవంక తొంగి చూసిం
ది" లలలలాల మనసైన తీయని పాటన్
కలువల రాజును దలచుచు
చెలికాడున్ చెలియ పాడ చెలువము హెచ్చున్.
కందము:
"రా! వెన్నెలదొర!" యనుచును
ఆ వింతను కనవదేల యనుచును పాడన్
ఆ వాలు కనుల చిన్నది
తావలచిన వాని మ్రోల తనివిగ వాలున్.
ఈశ్వరానుగ్రహ ప్రాప్తిరస్తు
మీకు మీ కుటుంబ సభ్యులు అందరకు "మహా శివరాత్రి" శుభాకాంక్షలు.
కందము:
కొండంత దేవుడీవని
కొండంతగ వరములీయ కోరముర హరా!
కొండంత అండగుండుము
కొండెక్కెడివరకు మాకు కోరెదమిదియే.
ఆటవెలది:
చల్ల కొండమీది సామివే నీవయ్య
పాల కడలి పైని పద్మ నాభు
నెయ్యమందినావు, నీగొప్ప దెలియగ
పెరుగు భక్తి మాకు ప్రియముగాను.
ఉత్సాహము:
భయము గలుగదయ్య నరులు భక్తి నిన్ను గొల్వగా
జయములవియె చేరనడచు శంకలేక వేడగా
నయముగలుగు జీవితమున నమ్మి పూజ సేయగా
లయములగును కష్టములును లాభమొదవు ఈశ్వరా .
కందము:
కందము:
"ఓ చెలి! కోపమ?" వినగా
మాచెవులను సోకుగీత మాధుర్యమహో!
ఆ చివరి పద్యమాహహ!
దోచును మది, "సీను" లోకి తోడ్కొనిపోవున్.