మాటనీరె

 ఆటవెలది:

ఉద్యమమ్ము జేయ నుద్యమించగవలె
నాంధ్రభాష కొరకు నందరికను
మాటనీరె మీరు మాట నీరుగ గాక
తెలుగుతల్లి మోము వెలుగునటుల.

ట్రాఫిక్కు"జాము"

 కందము:

హర్రీబర్రీ నగరము
హుర్రే!"ట్రాఫిక్కు జా" మహో, కన వెహికిల్స్
గొర్రెల మందగ తోచును
వర్రీతో "జాము" కడుగు వరకే కదలున్.

"లతాజీ" కి నివాళిగా

 నిన్న మనలను వీడి పోయిన "గానకోకిల" భారతరత్న" "లతాజీ" కి నివాళిగా

కందము:

స్వరములు నాట్యము జేసిన

వర రంగ స్థలము మూయ "పాపపు విధియే"

తిరుగుచు నున్నవి పాపము

"సరిగమపదని"లు జగమున జాలిగ, కనరే!

"సిరి(రా) వెన్నెల"

 నిన్న దివికేగిన "సిరి వెన్నెల" కు నివాళిగా

కందము:

అచ్చులు అయ్యో! యన్నవి

నొచ్చుచు నాహల్లులన్ని "నో" యని యరచెన్

మెచ్చిన "సీతా రాముం"

డచ్చెరువున సాగిపోగ నాకసమునకే.

నీరజ్ చోప్రా

 టోక్యో ఒలంపిక్స్ లో "గోల్డ్ మెడల్" సాధించిన సందర్భముగా

నీరజ్ చోప్రాకు అభినందనలు.

కందము:

నీరజ్ చోప్రా జయహో!

వీరా శూలంపు "త్రో" న విజయుడవగుచున్

ధీరుడవై వేసితివహ!

భారత్ మెడలోన కీర్తి బంగరు"మెడలున్"

చేతులారంగ

 తేటగీతి: 

చేతులారంగ "హ్యాండ్వాషు" చేయడేని

మూతి ముక్కుల "మాస్కు"తో మూయడేని

తగిన "డిస్టెన్సు" యుండగా దలపడేని

కలుగు వాడికి "కోవిడు" కలుగు చేటు.

"పాటమాలి" కి నివాళి

 "పాటమాలి" గాన గంధర్వుడు ఆ"బాల" గోపాల "సుబ్రహ్మణ్యానికి" నివాళి.

కందము:

పాటల "స్టారే"! "బాలూ"

మాటలకు "దశావతార" మగు "మాస్టారే"! 

పాటకు పాటవమేదీ

మాటకు పడిపోయె మాట, మహి వీడగనే! 

చిక్కకుండు వార్కి చీర్సు చీర్సు.

సీసము:
కరములు జోడించు కరములు కరములు
షేక్ హ్యాండు వద్దన్న చేయి చేయి
అలసోపు తోగడు గరచేయి యరచేయి
ఫ్రెష్షుగా నుండెడి వేళ్ళు వేళ్ళు
తగ్గయోగాజేయు తనువులు తనువులు
ముఖపు గుడ్డనుజుట్టు ముఖము ముఖము
మరిగుంపు గూడని మనుజులు మనుజులు
సరి దూరముగనుండు నరులు నరులు

ఆటవెలది:
ఇంట వండు వంట నింపుగా దినుచును
వంటయింటి మందు వాడుకొనుచు
కలవరమ్ములేక గని"కరోనా" నోట
చిక్కకుండు వార్కి చీర్సు చీర్సు.

---గోలి.🙂

దూరమని

కందము:

దూరమని జెప్పుచుండిన

దూరుదురే గుంపు గూడి దుర్వర్తనులై

దూరును కరోన తా పో

దూరక యని "దూరిన" మరి యోపరదెట్లో?

చావకండి...బ్లూవేల్స్ "చేతబడి"...జాగ్రత్త.

చావకండి...బ్లూవేల్స్ "చేతబడి"...జాగ్రత్త. 

కందము:
ఆవల కాద్రా, దార్కా 
ఆ"వల"లో నుంచినారు, అక్కాష్మోరా 
బ్లూవేల్సు రూపమందున 
మీ వేళ్ళనుబట్టి పొడుచు మీకన్నులనే. 

కందము:
ఆటా! కాదది పిల్లల 
వేటది, వారల భవితకు వేటది చూడన్
బ్రూటది, చావుకు బంపే
రూటది,పెకలించ దాని రూటును మేలౌ. 

పరుగులు దీయదీయ పయి పచ్చిగ పుండయె

ఉత్పలమాల:
బాలును ' బ్యాటు ' బట్టె తన  బాల్యమునుండి, క్రికెట్టు క్రీడలో
వేలుగ ' రన్సు' జేసె గద వేడుక మీరగ,  మించి  చేయగా
జాలుట  కష్టమన్యులకు  చాల ' రికార్డుల ' దాట లేరుగా
మేలుగ భారతీయులిక మెచ్చుచు  ' రత్నమె గా సచిన్ ' యనెన్.


సచిన్ క్రికెట్టు నుండి విశ్రాంతి తీసుకుంటున్నాననగానే - క్రీజు, బాలు, బ్యాటుల మనోగతం...
చంపకమాల:
పరుగులు దీయదీయ పయి పచ్చిగ పుండయె - నింక హాయిలే
మెరుపుగ బాదబాదగను మిన్నుకు మన్నుకు నైతి - హాయికన్
చురుకుగ నూపునూపు తరి చుక్కలుగన్పడె బంతిగొట్ట - హాయ్
మరియిక పండుగంచు మది మెచ్చెను- క్రీజులు, బాలు, బ్యాటులే. 

గంగవెర్రులెత్తి గంగమ్మ యుప్పొంగె

 











గంగాధరుని చూచుటకు వెళ్ళి గంగ పాలైన వారికి నివాళులర్పిస్తూ...
  
ఆటవెలది:
గంగవెర్రులెత్తి గంగమ్మ యుప్పొంగె
వరద వచ్చె భక్త  వరదు ముందె
మూడు కనుల ముందె మూడెగా జనులకు
శవములెన్నొ తేలె శివునిముందె.

కందము:
కట్టగ లేదా గంగను
గట్టిగ నీ జుట్టునందు గంగే తానై
నెట్టుక వచ్చెన చెపుమా
ఇట్టుల జరిగెను హర !హర ! యిల ఘోరంబే !

అన్నా ! హా ! జారె గుండె లవినీతికి .....

                  అవినీతి పై పోరాటం చేస్తున్న   అన్నా హజారే గారికి అభినందనలతో...

కం:  అన్నాహజారె! దేఖో!

        అన్నా ! హా ! జారె గుండె లవినీతికిలే !

        విన్నా ! హజారు లాఖోం

        కన్నా మించిన జనంబు కదలిరి వెంటన్  !

ముంబాయి పై ఘాతుకం .. సంతాపం ..

ముంబాయి నగరంలో జరిగిన వరుస ప్రేలుళ్ళ లో మృతి చెందిన, క్షతగాత్రులైన వారికి సంతాపాన్ని సానుభూతిని ప్రకటిస్తూ ......

                                           సంతాపం

తే.గీ :  పొంచి ముంబాయి నగరాన పోటు పొడిచి

          ముంచి నారయ్యొ! నెత్తుటి ముద్ద లోన;

          నరకు మించిన వారిని నరుకు వారు

          నరుల లేరయ్య, రావయ్య నార సింహ!

అ 'ల్లాడెన్ ' చర్యలతో.... అల్లాడెన్

           లాడెన్ ని అంతమొందించిన  అమెరికా ... నేటి వార్త

                
                       అ 'ల్లాడెన్ ' చర్యలతో.... అల్లాడెన్

 

            కం:  అ 'ల్లాడెన్ ' చర్యలతో

               'అల్లాడెన్ ' పదుల  యేండ్లు అమెరిక, ప్రతి చో
                టల్లా 'డెన్' లను వెదకుచు               
                అల్లా 'డెన్నునకు 'పంపె  నదిగో యిల్లా! 

ఇంటరులో తెలు'గింటరులు'........

ఇంటరు పరీక్షల్లో తెలుగు నందు సున్నా మార్కులు వచ్చిన విద్యార్థులు 15 ,494 మంది - తప్పిన వారు 35 ,725 మంది ఉన్నారట.(నిన్నటి వార్త)... 

               ఇంటరులో తెలు'గింటరులు'

     కం:  వింటిరె!  తెలుగున సున్నా;

           ఇంటరులో మార్కులొచ్చె నేమిది! అయ్యో !

           తుంటరి విద్యార్థులు; *తెలు 

          'గింటరులే' గాద! వారి నేమనవలె!ఛీ!       

          

       * తెలుగింటి + అరులే  (శతృవులే )

ధోని సేనకు తేట 'గీతాభినందన'

ప్రపంచ క్రికెట్ కప్పును సాధించిన భారత జట్టుకు శుభాకాంక్షలు.

మొదట సెహ్వాగు మరలగ మొక్కవోక!
సచిను యువరాజు కొహ్లీలు సాహసింప!
ధోని గంభీరు నిలబడి తోడు నిలువ!
కప్పు దెచ్చిరి భారత కలలు పండ!