సమస్యల'తో 'రణం ('పూ'రణం): October 2020

Monday 26 October 2020

కందము: 

దండలు దండాల్ కోరక

దండిగనే మంచి సలిపి "దాటిన" - భక్తిన్

దండలు "పటమున" వేయుచు

దండములనుబెట్టెదరుర ధరలో గోలీ!

శ్రీ మాత్రే నమః

అందరికీ విజయదశమి శుభాకాంక్షలు. 

ఆటవెలది:

విజయ దశమి "నేడు" వేడుకొందునుతల్లి 

వచ్చె మహిషు మించు "వైరసి"పుడు

వేగ "టీక" నిచ్చు విజ్ఞానమందించు

విజయద! శమియించ విష విపత్తు.

కందము: 

మనమేమి నేర్చుకుంటిమి 

మనమేమిటి నేర్పుచుంటి మనుకొని పుడమిన్

మనమన నడవడి గనుగొని

మనములనది దెలిసికొనుచు మనవలె గోలీ! 

ఉత్పలమాల:

మా తల వ్రాత వ్రాయు విధి మన్నన జేయుచు నెన్నియిచ్చినన్

భూతలమందు మానవులు పూజ్యులు గారుగ, శుద్ధ వాక్కులన్

ప్రీతిగ బల్కుజాలుమది ప్రేమను జూపుచు మంచి విద్యలన్

మాతరొ!శారదా! కృపను మాకిడవేడెదమమ్మ భారతీ!

కందము:

తీరికయె లేకపోయిన

నూరక కవి "తల"యె నుండ నోపదు, "చలమౌ"

"నూరక" నుండునె? "చెలముగ"

మీరుచు కవితలనెడి "జల"మిచ్చును గోలీ!

కందము:

తలపెట్టు మంచిపనులను

తలచుచు విడువకుమ పట్టుదలతో నెపుడున్

తలబట్టుకొనెడు పని నవ

తలబెట్టుటమంచి దెపుడు తలకే గోలీ!