చంద్రయాన్ - 3 విజయం

 చంద్రయాన్ - 3 విజయం సాధించిన  ఇస్రో శాస్త్రవేత్తలు అందరికి అభినందనలు.

కందము:

ఇస్రో కో జయ్ జయ్ హో

ఇస్రోజ్ భారత్ కొ బహుతు యిజ్జత్ బఢెహై 

ఇ స్రోనే దేశోం కో

ఛ స్రోనేదో హమార శాల్యూట్ లేలో!

---గోలి.👏👍🙂

"గోలీ"లు - 72

 

కందము: 

పిల్లలు పెనిమిటి గలిగిన 

ఇల్లాలే యిలను జూడ నింటికి వెలుగౌ

ఇల్లాలు "వెల్" గ లేదా 

"ఇల్లాల్" గామారుదురిక నింటను గోలీ.

"గోలీ"లు - 71

 కందము: 

పర పతి గూడుట మరియున్

పర సతినే గూడుటయు "యెఫైరది" భువిలో

పరగన్ చెడుగతి యగునది 

పరపతి నేగాల్చుటకు "యె  ఫైరది" గోలీ! 

దేవుఁడు లేనట్టి గుడియె తీర్చును గోర్కెల్

 8-8-2023 న "శంకరాభరణం"నందు ఇచ్చిన  సమస్యకు నా పూరణ.

ఒక చోరుని స్వగతము.

కందము: 

పోవలె,శిఖరాగ్రముపై

కావలి లేనట్టి కోట కలదులె, నిధులే

కావలె, త్రవ్వగ నట నా 

దేవుఁడు లేనట్టి గుడియె తీర్చును గోర్కెల్.

ఘంటసాల పాటల "కందాలు" - 110

 

కందము: 

"నీ కొండకు నీవే" యని

యా కొండలరాయని మదినార్తిగ వేడన్ 

తా కొండకు రప్పించుక 

చేకొనుచును మ్రొక్కులన్ని చేయూతనిడున్.