బ్లాగు వీక్షకులందరకు విజయ దశమి శుభాకాంక్షలు.
కం: జయములు గలుగును నిజముగ
భయములు మరి తొలగి భోగ భాగ్యము లబ్బున్
రయమున చదువులు వచ్చు, వి
జయ దశమిని దుర్గ గొలిచి శరణము వేడన్.
కం: దుర్గతి గలుగదు, జీవన
మార్గము గన స్వర్గ మగును,మనసున అరిష
డ్వర్గములారును ఆరును,
దుర్గను మది దలచి వేడ దురితము లణగున్ .
3 comments:
సుందర పద్యమ్ములతో
విందొసఁగెడి బ్లాగు మీది విజయదశమి కే
నందింతు శుభాకాంక్షల
నందుకొనుము సఖుఁడ! గోలి హనుమచ్ఛాస్త్రీ!
శంకరార్యా ! ధన్యవాదములు.
నా బ్లాగునకు స్పూర్తి, ఊపిరి అయిన మీకు వినయ పూర్వక నమస్సులు.
ధన్యుడ నైతిని గురువర!
దైన్యమె యిసుమంత లేక ధైర్యము నిడగా
అన్యులు గని మెచ్చగ సా
మాన్యుడ నే వ్రాయుచుంటి, మాన్యుడ మీరే !
చక్కని పద్యం. అభినందనలు.
Post a Comment