తేనె రుచిని జూడ తీయదనము లేదు--------------------చెరకు రసపు తీపి చెల్లుబాటుగ లేదు ---------------------- పటిక బెల్లమందు పసయె లేదు---------------------------మధురమాయె పద్య మదియె నాకు------------------

Saturday, 16 January 2021

"గోలీ"లు - 38

 


కందము:
"సింబాలిక్" దేవతలను
"హంబక్కని" వాగునట్టి యధముడ! నాన్సెన్స్
సోంబేరీ! నీ మెదడుకు
సింబల్ "నీ" జూపెదనని చెప్పె గోలీ!


Thursday, 14 January 2021

చుక్కమ్రుగ్గువల

 మీకు మీ కుటుంబ సభ్యులందరికీ మకర సంక్రాంతి శుభాకాంక్షలు.

ఉత్పలమాల:
కూడిన చుక్కమ్రుగ్గువల "కోవిడు" రక్కసి చిక్కి సొక్కగా
పాడు "కరోన" గొబ్బెమల పాదములంబడి నల్గి నీల్గగా
వీడగ బాధలన్నియును వేగమె "వ్యాక్సిను"వచ్చుచుండగా
వేడుక మీర సంక్రమణ వెల్గులు లోకములందు నిండెగా.


Wednesday, 13 January 2021

చెత్త "నిల్లు"

 మీకు అందరికీ భోగి పండుగ శుభాకాంక్షలు.


ఆటవెలది:
చెత్త "నిల్లు" నింప చీకాకు ముంచెత్తు
చెత్త "నిల్లు" జేయ సిరులు పండు
చిత్తమందు గూడ చేయరా శుభ్రమ్ము
భోగి పండుగపుడు భువుని నిండు.

Monday, 4 January 2021

టీకా "ఫీల్"

 కందము:

టీ,కాఫీల్లా ప్రాణాల్
పీకుచు బీల్చేవు చీడ పీడ"కరోనా!"
టీకా "ఫీల్" జూపెదమిక
పీకుచు కొమ్ములను, పీక బిసికెదమికపై.


Friday, 1 January 2021

ఎట్మాస్ 'ఫియర్'

 మీకు అందరికీ 2021 నూతన ఆంగ్ల సంవత్సర శుభాకాంక్షలు.

కందము:
ఇయరది మారగ కోవిడ్
ఫియరది పోవంగ క్రొత్త వింతల వైరస్
క్లియరయి పుడమిని ఎట్మాస్
ఫియరది మారంగవలయు, విష్ ఆల్ హ్యాపీ.