తేనె రుచిని జూడ తీయదనము లేదు--------------------చెరకు రసపు తీపి చెల్లుబాటుగ లేదు ---------------------- పటిక బెల్లమందు పసయె లేదు---------------------------మధురమాయె పద్య మదియె నాకు------------------

Sunday, 3 September 2017

" గుంటూరు " పద్యం

నిన్న 2/09/2017 న "ప్రజ - పద్యం " ఫేస్ బుక్ గ్రూప్ వారు గుంటూరు సెంట్రల్ పబ్లిక్ స్కూల్ బ్రాడిపేట 19/4 నందు నిర్వహించిన "పద్య కవుల ఆత్మీయ కలయిక" కార్యక్రమములో సామాజిక పద్యాలతో పాటు నేను రచించిన " గుంటూరు " పద్యం.

గుంటూరు పద్యం. 

సీ:
అమరలింగడిచట , నట పానకాలయ్య 
కోటేశుడొకవైపు కొలువుదీర
శేషేంద్ర,కరుణశ్రి, జాషువా,తిక్కన్న 
వికటకవి కవిత్వ విభవమలర 
పలనాటి సీమయున్, బల్ కొండవీడుల 
ధరణికోట కథల తనివిదీర 
ప్రత్తి ,మిరప, ధూమ పత్రంబు, గోంగూర 
పంటలందున పేరు పైననెగుర 
తే.గీ: 
చూడ నాగార్జునునికొండ సొంపుమీర
నేతకళ దీప్తి, పేరున్న నేతలలర 
కనగ గుంటూరు పేరునన్ గర్తపురియె
వెలుగుచున్నది జిల్లాగ తెలుగు నేల. 
Post a Comment