కుంతికి నైదుగురు సుతలు గుణసంపన్నుల్.

శ్రీ కంది శంకరయ్య గారు "శంకరాభరణం" బ్లాగునందు 09 - 10 - 2012 న ఇచ్చిన
సమస్యకు నా పూరణ.


సమస్య - కుంతికి నైదుగురు సుతలు గుణసంపన్నుల్.

కందము:
ఇంతేనా యని పూరణ
గంతులనే వేసి వ్రాసి కంటిని నేనే
భ్రాంతిగ " సుతులని " నిజమిది
"కుంతికి నైదుగురు 'సుతలు' గుణసంపన్నుల్."

కందము:
కుంతియను లేమ కనియెను
చింతించుచు బాబు కొరకు చేడియ వరుసన్
వింతనక, నేడు చూడగ
కుంతికి నైదుగురు సుతలు గుణసంపన్నుల్.

కందము:
వింతగ నొకటే కాన్పున
కుంతికి నైదుగురు సుతలు, గుణసంపన్నుల్
చింతయె లేదులె నేడా
యింతులకే పెండ్లి జేసె నెంతో వేడ్కన్.