తేనె రుచిని జూడ తీయదనము లేదు--------------------చెరకు రసపు తీపి చెల్లుబాటుగ లేదు ---------------------- పటిక బెల్లమందు పసయె లేదు---------------------------మధురమాయె పద్య మదియె నాకు------------------

Wednesday 27 April 2011

శంకరాభ(పూ)రణం - భార్యకు బ్రణమిల్లె భక్తి భావము .......

శ్రీ కంది శంకరయ్య గారు "శంకరాభరణం" బ్లాగునందు 01 -02 -2011 న ఇచ్చిన  సమస్యకు నా పూరణ.      


                     సమస్య : భార్యకు బ్రణమిల్లె భక్తి భావముగదురన్

               కం:   ఆర్య, సుమన్,రవి,రామా
                    చార్యులు,గోవిందు,రాజు,శంతను-గుడిలో
                    భార్యలతోగలసి, హరుని
                    భార్యకు బ్రణమిల్లె; భక్తి భావముగదురన్

                కం:  సూర్యకుల తిలకు రాముని
                    భార్యకు; బ్రణమిల్లె భక్తి భావముగదురన్
                    శౌర్యముతో హనుమంతుడు
                    కార్యము సాధించి, మణిని గైకొని మరలెన్!

No comments: