ప్రజ-పద్యం ఫేస్ బుక్ గ్రూప్ వారు నిర్వహించిన సామాజిక పద్య రచన పోటీ కొరకు 22-05-2017 న వ్రాసిన పద్యములు.
పద్య పక్షం - 3
వృద్ధాప్యం - కష్ట సుఖాలు.
కం:
పుట్టెడు వారికి పుడమిని
పుట్టెడు కష్టములు గలుగు ముదిమినిననుచున్
తట్టెడు తలపుల తలపకు
తట్టెడు సుఖములు గలుగును తగుజాగ్రతతో.
సీ:
బట్టతలగ, ముగ్గు బుట్టగా జుట్టౌను
మసకబారుచు చూపు మందగించు
చెవులు వినగలేవు చేరుచునరచిన
గంధమందదయయొ ఘ్రాణమునకు
గుండెబలము జూడ కుంచించుకొనిపోవు
నింతతినిన పొట్ట నిమడబోదు
అడుగు వేసినడువ నాయాసమేవచ్చు
చేవలేక పనుల జేయలేము
ఆ.వె:
ముసలి వయసుననివి ముప్పిరిగొనునని
ముందుగానె భయము జెందవలదు
తనువు విధము దెలిసి తగుపథమ్మునరసి
బ్రతుకవలయు భువిని భయములేక.
తే.గీ:
వయసునందున జేయని పనుల దలచి
చదువ గుదరని పొత్తముల్ చదువవలయు
తిరుగ గుదరని క్షేత్రముల్ తిరుగవలయు
చేయ గుదరని కార్యముల్ చేయవలయు.
చం:
ముదిమిని జేరుకొంటినని ముక్కుచు మూల్గుచు నొంటిగాడివై
కదలకనుండబోక పలు కార్యములెన్నియొ చేయవచ్చుగా
వదలక బాలబాలికల వద్దకు జేర్చుచు పాట, పద్యముల్
ముదముగ గాథలన్ దెలిపి ముచ్చటదీరగ నేర్పవచ్చుగా.
కం:
లౌకిక విషయములన్నియు
నాకిక ముదిమిని వలదని, నమ్ముచు మదిలో
లోకేశు ధ్యాస నిలిపిన
చీకాకులు లేని బ్రతుకు చిక్కును గదరా.
పద్య పక్షం - 3
వృద్ధాప్యం - కష్ట సుఖాలు.
కం:
పుట్టెడు వారికి పుడమిని
పుట్టెడు కష్టములు గలుగు ముదిమినిననుచున్
తట్టెడు తలపుల తలపకు
తట్టెడు సుఖములు గలుగును తగుజాగ్రతతో.
సీ:
బట్టతలగ, ముగ్గు బుట్టగా జుట్టౌను
మసకబారుచు చూపు మందగించు
చెవులు వినగలేవు చేరుచునరచిన
గంధమందదయయొ ఘ్రాణమునకు
గుండెబలము జూడ కుంచించుకొనిపోవు
నింతతినిన పొట్ట నిమడబోదు
అడుగు వేసినడువ నాయాసమేవచ్చు
చేవలేక పనుల జేయలేము
ఆ.వె:
ముసలి వయసుననివి ముప్పిరిగొనునని
ముందుగానె భయము జెందవలదు
తనువు విధము దెలిసి తగుపథమ్మునరసి
బ్రతుకవలయు భువిని భయములేక.
తే.గీ:
వయసునందున జేయని పనుల దలచి
చదువ గుదరని పొత్తముల్ చదువవలయు
తిరుగ గుదరని క్షేత్రముల్ తిరుగవలయు
చేయ గుదరని కార్యముల్ చేయవలయు.
చం:
ముదిమిని జేరుకొంటినని ముక్కుచు మూల్గుచు నొంటిగాడివై
కదలకనుండబోక పలు కార్యములెన్నియొ చేయవచ్చుగా
వదలక బాలబాలికల వద్దకు జేర్చుచు పాట, పద్యముల్
ముదముగ గాథలన్ దెలిపి ముచ్చటదీరగ నేర్పవచ్చుగా.
కం:
లౌకిక విషయములన్నియు
నాకిక ముదిమిని వలదని, నమ్ముచు మదిలో
లోకేశు ధ్యాస నిలిపిన
చీకాకులు లేని బ్రతుకు చిక్కును గదరా.
No comments:
Post a Comment