శ్రీరామ జయరామ జయజయ రామ
అందరికీ శ్రీరామ నవమి శుభాకాంక్షలు.
కందము:
రామా! నిన్నే దల్తుము
రా! మామదిలోన నిలిపి రాజా రామా!
రా! మాయను తొలగింపుము
రా! మా సీతమ్మతోడ రక్షణ నిడుమా!
సీసము.
సూర్యవంశమునందు సూతివైబుట్టినన్
చల్లనిదగు చూపు స్వామినీది
అడవులందున చాల నలయక దిరిగినన్
పరమ కోమలమైన పదమునీది
కోతిమూకలతోడ కోరుచు నుండినన్
చంచలమ్మే లేని చనువు నీది
కోదండ పాణివే మాదండమును గనన్
శరణమ్మునిడునట్టి జాలినీది
ఆటవెలది:
పానకమ్ము ద్రాగి వడపప్పు నేదిని
వేడి గాడ్పులందు వేడినాము
చల్లదనము గల్గె చలువపందిళ్ళలో
చల్లగమము జూడు జానకీశ.
No comments:
Post a Comment