పాలుత్యజించి నీరమును పాన మొనర్చును హంస లెప్పుడున్

శ్రీ కంది శంకరయ్య గారు "శంకరాభరణం" బ్లాగునందు  21 - 06 - 2014 న ఇచ్చిన
సమస్యకు నా పూరణ.



సమస్య - పాలుత్యజించి నీరమును పాన మొనర్చును హంస లెప్పుడున్



ఉత్పలమాల: 
చాల విశేషమే వినగ సాధ్యమదెట్టులొ చూచినారటే 
పాలను నీటినే గలిపి ప్రక్కన నుంచిన చెంతజేరి లో 
పాలను చూపబోక తమపాలుగ ద్రావగ వేరుచేయుచున్ 
పాలు, త్యజించి నీరమును, పాన మొనర్చును హంస లెప్పుడున్