" వల " నాలుగు పాదాలలో వచేట్లు శకుంతలాదుష్యంతుల ప్రణయము..

శ్రీ కంది శంకరయ్య గారు "శంకరాభరణం" బ్లాగునందు 14 - 11 - 2013 న ఇచ్చిన
సమస్యకు నా పూరణ.


దత్తపది - " వల " నాలుగు పాదాలలో వచేట్లు శకుంతలాదుష్యంతుల ప్రణయము..



కందము:
వలచి శకుంతల తా భూ
వలయంబునునేలు రాజు వద్దకుజేరెన్
వలరాజు పొదల జేరుచు
వలపించగ ప్రియముజెంది పరిణయమాడెన్.
 
కందము:
వలచినదని దుష్యంతుడు
వలపించి పిదప వలదన వాపోవుచు  నా
వలగనెను శకుంతల భూ
వలయంబును నేలు భరతు, భర్తయె మెచ్చన్.