తేలును ముద్దులాడి చెలి తియ్యగ నవ్వును పండువెన్నెలన్.

శ్రీ కంది శంకరయ్య గారు "శంకరాభరణం" బ్లాగునందు 07 - 07 - 2013 న ఇచ్చిన
సమస్యకు నా పూరణ.


సమస్య - తేలును ముద్దులాడి చెలి తియ్యగ నవ్వును పండువెన్నెలన్.


ఉత్పలమాల:
మేలుగ పెండ్లియాడి మది మెచ్చిన రీతిగ ప్రేమయాత్రకై
చాలప్రదేశముల్ తిరిగి చక్కని తోటను సేద తీరగా
కేలును జాపగా పతియు కిమ్మనకుండను చేరి కౌగిటన్
తేలును, ముద్దులాడి చెలి తియ్యగ నవ్వును పండువెన్నెలన్.