తేనె రుచిని జూడ తీయదనము లేదు--------------------చెరకు రసపు తీపి చెల్లుబాటుగ లేదు ---------------------- పటిక బెల్లమందు పసయె లేదు---------------------------మధురమాయె పద్య మదియె నాకు------------------

Thursday 24 May 2012

అల్లరిమూకలను పిలిచి యభినందింతున్



శ్రీ కంది శంకరయ్య గారు "శంకరాభరణం" బ్లాగునందు 09-07-2011 న ఇచ్చిన సమస్యకు నా పూరణ.

సమస్య - అల్లరిమూకలను పిలిచి యభినందింతున్ 

కందము: 
అల్లరి చిత్రము జూచితి
పిల్లలతో కలసి, నాకు పిచ్చగ నచ్చెన్
అల్లదొ!యూనిట్ వచ్చెను 
'అల్లరి' మూకలను పిలిచి యభినందింతున్.


కందము: 
పిల్లలు జేయక నల్లరి, 
చిల్లరగా పెద్దవారు చేతురె? మదిలో 
కల్లా కపటము తెలియని 
అల్లరిమూకలను పిలిచి యభినందింతున్.

No comments: