తొయ్యలి దునుమాడినట్టి దొరను నుతింతున్.

శ్రీ కంది శంకరయ్య గారు "శంకరాభరణం" బ్లాగునందు 15- 01 - 2014 న ఇచ్చిన
సమస్యకు నా పూరణ.


సమస్య - తొయ్యలి దునుమాడినట్టి దొరను నుతింతున్.


కందము: 
అయ్యారే పూతనతన
చెయ్యందించుచును పాలు చేరిచి కుడుపన్ 
చయ్యన బీలిచి ప్రాణము
తొయ్యలి దునుమాడినట్టి దొరను నుతింతున్.

కందము: 
ఇయ్యడవి దీనియాగడ 
మియ్యదియని తెలుపలేను యీక్షణమే రా 
మయ్యా! చంపుమన గురుడు 
తొయ్యలి దునుమాడినట్టి దొరను నుతింతున్.