కప్పను గాపాడె నొక్క కాకోకదరమే

శ్రీ కంది శంకరయ్య గారు "శంకరాభరణం" బ్లాగునందు 19 -- 12 - 2013 న ఇచ్చిన
సమస్యకు నా పూరణ.



సమస్య - కప్పను గాపాడె నొక్క కాకోకదరమే.

కందము:
అప్పటినిధి గుడినుందని
తప్పుడు నరులేమొ వెడలె తస్కరులగుచున్
మెప్పుగ చుట్టుక తాళపు
కప్పను, గాపాడె నొక్క కాకోకదరమే.

కందము:
తప్పని చెప్పగ నేరం
బిప్పటి యీ రాజకీయ బేరములందున్
తప్పని దని భావించుచు
కప్పను గాపాడె నొక్క కాకోకదరమే.