పూలమ్ము పూలమ్మి.

శ్రీ కంది శంకరయ్య గారు "శంకరాభరణం" బ్లాగునందు 18 - 07 - 2013 న ఇచ్చిన
సమస్యకు నా పూరణ.


వర్ణ (న) చిత్రం - పూలమ్ము పూలమ్మి. 


కందము:
తలుపుల వద్దనె యున్నది
తలలో పూలున్న కన్య, తలపుల లోనన్
వలపులు కనబడు, తానా
వల పూలమ్మంగ బోవ పయనంబాయెన్.
 
కందము:
పూలమ్మి' నిలచి యున్నది
పూలమ్మిక డబ్బు తేగ బుట్టను బట్టెన్
కాలమ్ము చెడెను జాగ్రత
గాలమ్ముల గని చనవలె గద మీనాక్షీ !

కందము:
పూలమ్మెడు పూబోణీ !
పూలకు బోణీల కొరకు పో జాగ్రతగా !
పూలను భ్రమరమ్ములతో
పూలవి అమ్ములను వేయు పోకిరి తోడన్.