హనుమను ముద్దాడె శంభుఁ డానందమునన్.

శ్రీ కంది శంకరయ్య గారు "శంకరాభరణం" బ్లాగునందు 28 - 09 - 2012 న ఇచ్చిన
సమస్యకు నా పూరణ.

సమస్య - హనుమను ముద్దాడె శంభుఁ డానందమునన్.

కందము:
అనితయె శంభుని పుత్రిక
కనగా నేడామె నొక్క కన్నను ' హనుమన్ '
మనుమడు పుట్టెను నాకని
హనుమను ముద్దాడె శంభుఁ డానందమునన్.

కందము:
వినుడయ్యా శ్రీ రాముని
మనమున తానుండు గాదె మహదేవుండే
హనుమకు ముద్దిడ రాముడు
హనుమను ముద్దాడె శంభుఁ డానందమునన్.