పరులకు రామ చంద్రుని వివాహము పుణ్య ఫల ప్రదంబగున్

శ్రీ కంది శంకరయ్య గారు "శంకరాభరణం" బ్లాగునందు 30-03-2012 న ఇచ్చిన సమస్యకు నా పూరణ.

సమస్య - పరులకు రామ చంద్రుని వివాహము పుణ్య ఫల ప్రదంబగున్
చంపకమాల:
మురియుచు దోయిలందు తెలి ముత్యము లన్నియు పట్ట రాముడున్
మెరవగ నీలి వర్ణమున మీదట జానకి చేత నెర్రనై
వరుసగ రంగు మారు తల బ్రాలను భక్తిని దల్చుచుండు చూ
పరులకు రామ చంద్రుని వివాహము పుణ్య ఫల ప్రదంబగున్