తేనె రుచిని జూడ తీయదనము లేదు--------------------చెరకు రసపు తీపి చెల్లుబాటుగ లేదు ---------------------- పటిక బెల్లమందు పసయె లేదు---------------------------మధురమాయె పద్య మదియె నాకు------------------

Friday 8 March 2013

కలుషములు బాపు గంగయే గరళమయ్యె

శ్రీ కంది శంకరయ్య గారు "శంకరాభరణం" బ్లాగునందు 28-02-2012 న ఇచ్చిన సమస్యకు నా పూరణ.

సమస్య - కలుషములు బాపు గంగయే గరళమయ్యె

తేటగీతి:
విషపు నాగులు నగలాయె, పెద్ద చిచ్చు
దలప కన్నాయె నెత్తి పోతలగ మారె
కలుషములఁ బాపు గంగయే, గరళమయ్యె
పండు నేరేడు వలె సతీ వల్లభునకు.

తేటగీతి:
కలుష హరుడను నేనంచు గరళ కంఠ
వట్టి గొప్పలు చెప్పకు వసుధ యందు
కలుషములు బాపు గంగయే గరళమయ్యె
పావనమ్ముగ చేయుమో పార్వతీశ.

No comments: