నను బూజించిన వారె పొందుదు రనంతంబైన సత్సంపదల్.

శ్రీ కంది శంకరయ్య గారు "శంకరాభరణం" బ్లాగునందు 06-11-2011 న ఇచ్చిన సమస్యకునా పూరణ

సమస్య - నను బూజించిన వారె పొందుదు రనంతంబైన సత్సంపదల్.
మత్తేభము:
ఘనమౌ పుర్రెను చేతబట్టి యడుగున్ కాసింత యన్నంబునే
కన నేత్రంబున నిప్పు గ్రక్కు నొడలన్గప్పేను గా చర్మమే
విన భస్మంబును మేన దాల్చు జడుడే వీనిల్లు కాడందు రై
నను బూజించిన వారె పొందుదురనంతంబైన సత్సంపదల్.