మనమొక రాజహంసయయి మంచిని బెంచి సుఖించు టొప్పగున్.

శ్రీ కంది శంకరయ్య గారు "శంకరాభరణం" బ్లాగునందు 25-09-2011 న ఇచ్చిన సమస్యకు నా పూరణ.

సమస్య - మనమొక రాజహంసయయి మంచిని బెంచి సుఖించు టొప్పగున్.
చంపకమాల:
మనుజుడటన్న  వాని ప్రతి మానస మందున మంచి చెడ్డలున్
గొనకొని చేరి యుండు మరి గొప్పగ పాలును నీర మట్టులే
ఘనతర శక్తి బొందనగు జ్ఞానము పెంపుగ జేసి, భూమి పై
మనమొక రాజహంసయయి మంచిని బెంచి సుఖించు టొప్పగున్.