కారు కంటఁ బడిన కంపమెత్తె.

శ్రీ కంది శంకరయ్య గారు "శంకరాభరణం" బ్లాగునందు 04-09-2011 న ఇచ్చిన సమస్యకు నా పూరణ.

సమస్య- కారు కంటఁ బడిన కంపమెత్తె.

ఆటవెలది:

కారు డొక్కు జూడ కారునలుపు కొని 

కారు నడుపు వారు కారు,  వారు

ఎలిజ బెత్తు రాణి ఎక్కినదని చెప్ప

కారు కంటఁ బడిన కంపమెత్తె.

ఆటవెలది:

ఒంటి వెడలు చుంటి నొక్క కాన నడుమ

మృగము లేవొ నాదు మీద కొచ్చు

ననుచు బెదరు చుండ, నక్సలై టుద్యమ

కారు కంటఁ బడిన కంపమెత్తె.

ఆటవెలది:

వారు కలిమి యున్న వారె, యైనను గాని

ఏరికైన నింత నిడగ బోరు

మంచి వారు కారు, మర్యాద కలవారు

కారు; కంటఁ బడిన కంపమెత్తె.