తేనె రుచిని జూడ తీయదనము లేదు--------------------చెరకు రసపు తీపి చెల్లుబాటుగ లేదు ---------------------- పటిక బెల్లమందు పసయె లేదు---------------------------మధురమాయె పద్య మదియె నాకు------------------

Saturday 21 July 2012

రక్షాబంధనము నాఁడు రావల దన్నా

శ్రీ కంది శంకరయ్య గారు "శంకరాభరణం" బ్లాగునందు 13-08-2011 న ఇచ్చిన సమస్యకు నా పూరణ.

సమస్య - రక్షాబంధనము నాఁడు రావల దన్నా
కందము:
రక్షను గట్టెద నీకే
రక్షాబంధనము నాఁడు రా ! వలదన్నా
లక్షలు, మించిన కానుక,
భిక్షగ నీ ప్రేమ చాలు ప్రియ సోదరుడా !



చెల్లెలి పై కోపంతో వున్న అన్నతో చెల్లి...

కందము:
శిక్షను వేయకు మన్నా!
రక్షాబంధనము నాఁడు రావలదన్నా
దీక్షను బూనెద వచ్చెద!
కక్షను విడు ! నిన్ను నన్ను కన్నది ఒకరే !

No comments: