విరులు దాఁకగానె వేఁడి పుట్టె.

శ్రీ  కంది శంకరయ్య గారు "శంకరాభరణం" బ్లాగునందు 08-08-2011 న ఇచ్చిన సమస్యకు నా పూరణ.


సమస్య - విరులు దాఁకగానె వేఁడి పుట్టె.

ఆటవెలది:
ప్రకృతి వైద్య మునకు పరగ కేరళ జేరి
కాయ గూరల దిని కాయమునకు
'స్టీము బాతు ' జేయ బూనితి నట యా
విరులు దాఁకగానె వేఁడి పుట్టె.
 
ఆటవెలది:
శీత కాలమందు చెప్పగా నొక రాత్రి
విరుల బాణ మేయ పురహరారి
విరులు ముడిచి రాగ కురులందు శ్రీమతి
విరులు దాఁకగానె వేఁడి పుట్టె.