నిను నిను నిన్నునిన్ను మఱి నిన్నును నిన్నును నిన్ను నిన్నునున్

శ్రీ కంది శంకరయ్య గారు ' శంకరాభరణం ' బ్లాగునందు 20-06-2011 న ఇచ్చిన సమస్యకు నా పూరణ.

సమస్య - నిను నిను నిన్నునిన్ను మఱి నిన్నును నిన్నును నిన్ను నిన్నునున్

రామాజ్ఞ ననుసరించి సీతను అడవిలో ఒంటరిగా వదలి వెళ్లుచూ లక్ష్మణుడు అష్ట దిక్పాలురతో తల్లిని జాగ్రత్తగా చూడుడని మ్రొక్కిన విధము...

చంపకమాల :
ఇనకుల చంద్రు డిట్లు తన యింతిని కానల పాలు జేసెగా
మనమున మ్రొక్కుచుంటి నిట మాతను జక్కగ రక్ష జేయగా
ఎనిమిది దిక్కులన్ జగతి నేలుచు నుండెడి నేతలార! నే
నిను నిను నిన్నునిన్ను మఱి నిన్నును నిన్నును నిన్ను నిన్నునున్!!