శ్రీ రామచంద్ర పరబ్రహ్మణే నమః
మీకు అందరికీ
శ్రీరామ నవమి శుభాకాంక్షలు.
కందము:
ముదమున నిను మది దలచుచు
పదముల వదలక గొలిచెద వడి రావయ్యా!
సదయుడ రామా! నిను గని
పదపడి మాపైకి వెతలు పడి రావయ్యా.
Friday, 27 March 2026
Thursday, 19 March 2026
రా! పరాభవా!
శ్రీ పరాభవ నామ సంవత్సర ఉగాది శుభాకాంక్షలు.
(డిశంబరు, జులై, మార్చి, మే - అను ఇంగ్లీషు నెలల పేర్లను వాడుతూ తెలుగు సంవత్సరాదికి చెప్పిన స్వాగత పద్యం)
ఉత్పలమాల:
సాగిలి మ్రొక్కి భీతివిడి శంబరువైరికివైరి శంభుకున్
ఈ గతినుండె నామమని నెన్నక, భావిని మంచి రోజులై వేగమె నిన్నమొన్న గత పీడలకాలము మార్చివేయగా
స్వాగతమేను జెప్పెదను సత్ఫలమీయగ రా! పరాభవా!
Wednesday, 18 March 2026
Friday, 27 February 2026
Sunday, 15 February 2026
"సగము"వాని
ఓం నమశ్శివాయ.
మీకు మీ కుటుంబసభ్యులకు అందరికీ మహా శివరాత్రి శుభాకాంక్షలు.ఆటవెలది:
ఏమి "లేని"వాని నెన్న "సున్న"గు వాని
"సగము" కలుపుకున్న "సగము"వాని
కలసి యొక్కటైన "కలవాని" "పూర్ణ"మై
నిలచునెవడొ? వాని నేనుగొలుతు.
Thursday, 5 February 2026
Saturday, 31 January 2026
Tuesday, 20 January 2026
Thursday, 15 January 2026
సంక్రాంతి పండుగ
అందరికీ సంక్రాంతి పండుగ శుభాకాంక్షలు.
వసంతమంజరి:
వెలుగు రంగుల మ్రుగ్గు లిల హరివిల్లులన్ తల పించగా
చలియు నెండల మేలు కలయిక చాల హాయిని గూర్పగా
తెలుగు లోగిలి లోన మనసుల తీపి భావము నింపగా
కలుములీయగ భోగి తదుపరి క్రాంతి పండుగ వచ్చెగా.
Wednesday, 14 January 2026
Monday, 5 January 2026
Thursday, 1 January 2026
ఆంగ్ల సంవత్సర శుభాకాంక్షలు.
మీకు అందరికీ నూతన ఆంగ్ల సంవత్సర శుభాకాంక్షలు.
కందము:
విజయము సిధ్ధించుచు మీ
"విజన్సు" ఉజ్వలముగ నిల విదితమ్మగుచున్
నిజముగ "న్యూ యియ"రందున
సజావుగను సుఖము శాంతి శుభమందవలెన్.
Subscribe to:
Comments (Atom)