వినాయక చవితి శుభాకాంక్షలు.
శ్రీ మహా గణాధిపతయే నమః
సీసము:
ప్రకృతి వనరు దోచు "స్వాహాల" నరులనే
తొండమ్ముతో నీవు తుక్కురేపు
సంఘ విద్రోహుల సంస్కార హీనులన్
దంతమ్మున దరిమి తరిమి గ్రుచ్చు
కులమత కలహాల నిలబెంచు వారినే
ఉండ్రాళ్ళతో కండ్ల నురిమి కొట్టు
సైపలేనివి "నెట్టు" "సైబరు" మోసాల
వలను ద్రెంపగ నీదు నెలుక బంపు
ఆటవెలది:
చేటచెవుల నూపి చేటులన్ దొలగించు
సూక్ష్మ దృష్టి గనుచు శుభములిమ్ము
సిద్ధి బుద్ధి నాథ! చిత్తాన గొల్తుము
విద్యతోడ మంచి వినయమిమ్ము.
