జులై 2024 "రవళి" మాసపత్రికలో ప్రచురితమయినవి.
కందము:
చిరిగిన బట్టల గట్టిన
నిరుపేదల జూచి జాలి నిజముగ వేయున్
"చిరుగుల" బట్టల గట్టిన
చిరు"గుల" "కలవారి" గనిన సిగ్గగు గోలీ!
కందము:
చదువునకు తోడు పిల్లలు
వదలక సంస్కారము సరి పాటించు విధ
మ్మది నేర్వ వలయు నప్పుడె
చదువులు సార్థకమగుగద జగతిని గోలీ!
కందము:
దెబ్బలు తగిలినవని శిల
ఆబ్బా!యని క్రిందబడగ నది బండయగున్
నిబ్బరముగ నిలచినచో
నబ్బురముగ శిల్పమగుగ నవనిని గోలీ!
కందము:
ముద్దౌచు చమట, నన్నపు
ముద్దగుగా రైతు జనుల పుణ్యము పండన్
ముద్దుల బిడ్డని బంచును
ముద్దుగనా పుడమితల్లి మురిపెము గోలీ!
No comments:
Post a Comment