ఆర్త జనరక్ష సేయని హరియె దిక్కు .

శ్రీ కంది శంకరయ్య గారు "శంకరాభరణం" బ్లాగునందు 16 - 11 - 2013 న ఇచ్చిన
సమస్యకు నా పూరణ.


సమస్య - ఆర్త జనరక్ష సేయని హరియె దిక్కు .

తేటగీతి:
అక్షరంబది మారననర్థ మగును
' ఆర్త జనరక్ష సేయగ హరియె దిక్కు'
వ్రాయమంటిని నేనట్లు, వ్రాసితీవు
' ఆర్త జనరక్ష సేయని హరియె దిక్కు' .


తేటగీతి:
చేరబిల్చిన కృష్ణకున్ చీరెలిచ్చె
చేతగాదన గజరాజు జేరదీసె
విడచి చేతల, చేతులన్ వేడు వరకు
ఆర్త జనరక్ష సేయని హరియె దిక్కు.