"నగు" నుగాది.

 అందరకు "క్రోధి"నామ నూతన సంవత్సర "ఉగాది" శుభాకాంక్షలు.

 

కందము: 

క్రోధియను వత్సరము, వి

రోధములును జనుల కెపుడు రుజలే లేకన్

బాధలు దొలుగగ వలెనని

మాధవునే వేడుకొందు మనసున నెపుడున్.  

 

సీసము: 

ఉచిత తాయిలముల నూరింతయే తీపి  

కరకు మాటలనుట కారమగును   

మందు విందులనిచ్చు మచ్చికయే చేదు   

బాసలెన్నియొ జేయు పలుకు వగరు

పోటిదారుని దిట్టు పోకడయే యుప్పు

బలుపు చేష్టలవియె  పులుపు గదర 

కాకులెన్నియొవచ్చు కోకిల కూతలన్

సంతగా నిదిగొ వసంతమనుచు  

 

తేటగీతి:

ఎన్నికల పండుగది వచ్చె నెంచి మంచి

నాయకులకును మీ ఓటునయముగాను 

వేయ రాష్ట్రమ్ము దేశమ్ము వెలుగులీని 

ఐదునేడులు మీకింక "నగు" నుగాది.