తేనె రుచిని జూడ తీయదనము లేదు--------------------చెరకు రసపు తీపి చెల్లుబాటుగ లేదు ---------------------- పటిక బెల్లమందు పసయె లేదు---------------------------మధురమాయె పద్య మదియె నాకు------------------
Wednesday 22 July 2020
Sunday 12 July 2020
"గోలీ"లు - 2
కందము:
వేకువ "పోస్టుల" బెట్టుచు
తేకువ యిసుమంతలేక తెరచుచు "యఫ్ బీ"
"లైకులు', "కామెంట్స్" కొరకిటు
ఆకళ్ళాకళ్ళు జూపుటది "వేస్ట్" గోలీ!
Wednesday 8 July 2020
చిక్కకుండు వార్కి చీర్సు చీర్సు.
సీసము:
కరములు జోడించు కరములు కరములు
షేక్ హ్యాండు వద్దన్న చేయి చేయి
అలసోపు తోగడు గరచేయి యరచేయి
ఫ్రెష్షుగా నుండెడి వేళ్ళు వేళ్ళు
తగ్గయోగాజేయు తనువులు తనువులు
ముఖపు గుడ్డనుజుట్టు ముఖము ముఖము
మరిగుంపు గూడని మనుజులు మనుజులు
సరి దూరముగనుండు నరులు నరులు
ఆటవెలది:
ఇంట వండు వంట నింపుగా దినుచును
వంటయింటి మందు వాడుకొనుచు
కలవరమ్ములేక గని"కరోనా" నోట
చిక్కకుండు వార్కి చీర్సు చీర్సు.
---గోలి.🙂
Sunday 5 July 2020
కోమలి తలమీద రెండు కొమ్ములు వుట్టెన్
శంకరాభరణం బ్లాగునందు 5-7-2020 న ఇచ్చిన సమస్యకు నా పూరణ.
సమస్య: కోమలి తలమీద రెండు కొమ్ములు వుట్టెన్
కందము:
ప్రేమగ పూతన విషమును
ధీమాగా నీయనెంచ త్రెక్కొన హరియే
భూమినిబడ నిజరూపము
కోమలి తలమీద రెండు కొమ్ములు వుట్టెన్.
సమస్య: కోమలి తలమీద రెండు కొమ్ములు వుట్టెన్
కందము:
ప్రేమగ పూతన విషమును
ధీమాగా నీయనెంచ త్రెక్కొన హరియే
భూమినిబడ నిజరూపము
కోమలి తలమీద రెండు కొమ్ములు వుట్టెన్.
పయ్యెదనున్ లాగువానిఁ భామిని మెచ్చెన్.
శంకరాభరణం బ్లాగునందు 4-7-2020 న ఇచ్చిన సమస్యకు నా పూరణ.
సమస్య:పయ్యెదనున్ లాగువానిఁ భామిని మెచ్చెన్.
కందము:
శయ్యను నిద్దురనుండగ
చయ్యన తన చెంతజేరి చన్నులకొరకై
కుయ్యనుచు మూల్గి పాలకు
పయ్యెదనున్ లాగువానిఁ భామిని మెచ్చెన్.
సమస్య:పయ్యెదనున్ లాగువానిఁ భామిని మెచ్చెన్.
కందము:
శయ్యను నిద్దురనుండగ
చయ్యన తన చెంతజేరి చన్నులకొరకై
కుయ్యనుచు మూల్గి పాలకు
పయ్యెదనున్ లాగువానిఁ భామిని మెచ్చెన్.
Subscribe to:
Posts (Atom)