అందరికీ శ్రీరామ నవమి శుభాకాంక్షలు.
కందము:
చింతలు మాకేలయ మా
చింతామణి రాముడుండ, చిన్మయ రూపున్
చింతనతో మనముల దు
శ్చింతనలే వీడి భక్తి జేతుము భజనల్.
Sunday 10 April 2022
Wednesday 6 April 2022
"గోలీ"లు - 50
కందము:
పిల్లల కెదురుగ నందగ
బెల్లపు డబ్బానుబెట్టి బెదిరింపులతో
నొల్లదు మీకని చెప్పుట
"సిల్లీ"గానుండు ననుచు జెప్పెను గోలీ!
Saturday 2 April 2022
"యుగాది"
మీకు అందరికీ "శుభకృత్" నామ వత్సర శుభాకాంక్షలు.
సీసము:
దుష్ట వైరసుపైన తోచిన కోపమ్ము
"కారమై" మనసుల కదలుచుండె
పాడు కోవిడు భువి బట్టిన పీడయై
"చేదు" జ్ఞాపకముల చీడ మిగిలె
టీకాల దయతోడ మాకేమికాదను
"తీపి" విశ్వాసమ్ము తీరు నిండె
గుమిగూడ వచ్చిక గుబులేమివలదన
"పుల్ల"దనమ్ము ప్రఫుల్లమాయె
ఆటవెలది:
"వగరు"గాను తోచె వాడరా "మాస్కన"
"ఉప్ప"దనము నిచ్చె నొక్క "శంక"
ఇన్ని గలసి యుండ నెన్నియో శుభముల
నీ"యుగాది" బంచు నిజము నిజము.
Subscribe to:
Posts (Atom)