"గోలీ"లు - 56

 

కందము:
మర్మము జెప్పెద వినుమా!
ధర్మము న్యాయంబది విడి ధారుణి హరినే
ఓర్మిని గొల్వంగా, నీ
కర్మర! కాపాడ తాను కదలడు గోలీ!

"గోలీ"లు - 55

 

కందము:

నీతులు నేర్పక పోయిన

భూతలమున పాపమంట బోదుర, ప్రీతిన్

బూతులు పల్కిన తప్పక

నీతల పగులంగ వచ్చు నిక్కము గోలీ!

"గోలీ"లు - 54

కందము: 

తలదించి చూచెదరు కర

తలముననే "సెల్లు"బట్టి ధారుణి ప్రజలే

తలదించు కొనెడు పనులను

తలపెట్టక జూచుటదియె తగుననె గోలీ!

"గోలీ"లు - 53

కందము:
గురువన బ్రహ్మయు విష్ణువు
గురువే మాహేశ్వరుండు కువలయమందున్
గురువు పరంబ్రహ్మయు సరి
గురువుకు నతులందజేయ గోరెద గోలీ!