తేనె రుచిని జూడ తీయదనము లేదు--------------------చెరకు రసపు తీపి చెల్లుబాటుగ లేదు ---------------------- పటిక బెల్లమందు పసయె లేదు---------------------------మధురమాయె పద్య మదియె నాకు------------------

Wednesday 25 March 2020

'శార్వరి'యన్న 'రాత్రి'యే.

అందరికీ శార్వరి నామ నూతన తెలుగువత్సర శుభాకాంక్షలు. 

ఉత్పలమాల:  
శార్వరినామ వత్సరమ సంతసమెక్కడ నీవు రాగ నీ
యుర్విని గ్రమ్మె జీకటులయోమయమాయెను, మానవాళి తా
సర్వమునా "కరోన"బడి  "చైను"ల ద్రెంపగ నిండ్ల లోపలన్ 
పర్వము లేక యుండిరిగ బాధగ, 'శార్వరి'యన్న 'రాత్రి'యే.       
    

Thursday 5 March 2020

సంతానముఁ గాంచి మురిసె సన్యాసి గడున్.

శ్రీ కంది శంకరయ్య గారు 5-03-2020 న ఇచ్చిన సమస్యకు పూరణ.

సమస్య - సంతానముఁ గాంచి మురిసె సన్యాసి గడున్.

కందము: 
చింతామణి గొడ్రాలికి 
చింతను దీర్పంగ నిచ్చె చిటికెడు బూదిన్ 
వింతగ కవలల గనగా 
సంతానముఁ గాంచి మురిసె సన్యాసి గడున్.