మది "దివాలి"

మీకు మీ కుటుంబ సభ్యులకు "దీపావళి శుభాకాంక్షలు".

సీసము:

కామమ్ము జూడగ "కాకరపూవత్తి"

చేతబట్టుచు గాల్చు చివరి వరకు

క్రోధమ్ము "బాంబది" కొంత దూరముబెట్టి

జాగ్రత్తగాబేల్చు సాధనమున

లోభమ్ము "పాంబిళ్ళ" లోనుండి దీయుచు

ముట్టించి మసిజేయి పట్టుబట్టి

మోహమే దలపగా మురియు "తారాజువ్వ"

పైకివదలు కాల్చి ప్రియముగాను

ఆటవెలది:

మదము విసరిగొట్టు మది "నేలటప్పాసు"

మత్సరమ్ము గాల్చు మరి "మతాబు"

లోన వెలుగజేయి జ్ఞానంపు "జ్యోతిని"

మది "దివాలి" యగును మనిషి కెపుడు.

సినిమాకు "వంద"నం - 87

సినిమాకు "వంద"నం - 87

ఆటవెలది: 
కళ్ళలోననొడలు కదలికలోనైన 
పలుకులోన తగిన భావములను 
చూపలేని వారు చోద్యమే నటులైరి
కొంతమంది జూడ వాంతి గలుగు.

సినిమాకు "వంద"నం - 86

సినిమాకు "వంద"నం - 86 

ఆటవెలది: 
'పాటకన్నె' నిచ్చె పాపమా కవిగారు 
బాణి పేర నొక్క 'డోణి' లాగె 
'పాడు'వాడు కొంత పాడుజేయ కడకు 
'రూపు'మారి మిగిలె 'రోదనమ్ము'.

సినిమాకు "వంద"నం - 85

సినిమాకు "వంద"నం - 85  

ఆటవెలది: 
బండిమీద నేగి పట్నమందున మొన్న 
ఆదివారమింట నదియె నిన్న 
నేడు టీవిలోన నెన్నియో సినిమాలు 
కళ్ళు జాలకుండె కనగ "నెట్టు."

విజయమ్ముల నీయుమ విశ్వరూపిణీ!

అందరికీ విజయదశమి శుభాకాంక్షలు. 

శ్రీ మాత్రే నమః 

ఉత్పలమాల: 
కమ్మని జ్ఞానవంతులుగ గమ్మని దీవెనలందజేసి మో   
దమ్మును బంచి మా బ్రతుకు దమ్మున నీడ్చెడు శక్తినిచ్చి దా
నమ్ముల జేయు బుద్ధి వదనమ్ముల తేజము బెంపుజేసి న్యా
యమ్ముల వర్తనమ్ము విజయమ్ముల నీయుమ విశ్వరూపిణీ!  

నన్నయ కవివరుండు తెనాలివాఁడు.

శ్రీ కంది శంకరయ్య గారు 01-10-2019 న ఇచ్చిన సమస్యకు పూరణ.


పెద్దసన్మానమతనికి ప్రియముతోడ 
జేసినారుగ కవిగాను  వాసికెక్క
పొగడియిచ్చిరి బిరుదమ్ముపో "యభినవ
నన్నయ"- కవివరుండు  తెనాలివాఁడు.