కందము:
దండలు దండాల్ కోరక
దండిగనే మంచి సలిపి "దాటిన" - భక్తిన్
దండలు "పటమున" వేయుచు
దండములనుబెట్టెదరుర ధరలో గోలీ!
తేనె రుచిని జూడ తీయదనము లేదు--------------------చెరకు రసపు తీపి చెల్లుబాటుగ లేదు ---------------------- పటిక బెల్లమందు పసయె లేదు---------------------------మధురమాయె పద్య మదియె నాకు------------------
శ్రీ మాత్రే నమః
ఉత్పలమాల:
మా తల వ్రాత వ్రాయు విధి మన్నన జేయుచు నెన్నియిచ్చినన్
భూతలమందు మానవులు పూజ్యులు గారుగ, శుద్ధ వాక్కులన్
ప్రీతిగ బల్కుజాలుమది ప్రేమను జూపుచు మంచి విద్యలన్
మాతరొ!శారదా! కృపను మాకిడవేడెదమమ్మ భారతీ!
కందము:
తీరికయె లేకపోయిన
నూరక కవి "తల"యె నుండ నోపదు, "చలమౌ"
"నూరక" నుండునె? "చెలముగ"
మీరుచు కవితలనెడి "జల"మిచ్చును గోలీ!
కందము:
తలపెట్టు మంచిపనులను
తలచుచు విడువకుమ పట్టుదలతో నెపుడున్
తలబట్టుకొనెడు పని నవ
తలబెట్టుటమంచి దెపుడు తలకే గోలీ!