ఘంటసాల పాటల "కందాలు" - 76

 

కందము:

"బాబూ! వినరా!" యని గా

రాబుగ నుమ్మడి కుటుంబ లక్షణములనే

బాబుకు చెప్పిన విధమే

బాబూ! మాచెవుల బడగ వహ్వా! యనమే!

ఘంటసాల పాటల "కందాలు" - 75

 కందము: 

"ఎవరో వస్తారని" మరి

చివరకు వెతలుడుగనేదొ చేస్తారనుచున్

భువి నెదురు జూచి మోస

మ్మెవరును పోకూడదనిన మీకిక జయహో!

  

ఘంటసాల పాటల "కందాలు" - 74

 

కందము: 

"ఈరేయి నీవు నేనూ"

తారలు రెండిట్లుబాడె తామే నేలన్ 

తీరుగ చల్లనిగాలిన్

మీరుచునా చందమామ మీదన్ నిలచెన్.

ఘంటసాల పాటల "కందాలు" - 73

కందము: 

"ధీర సమీరే యమునా

తీరే" యనుచు జయదేవు దివ్యాష్టపదుల్

తీరుగ బాడిన విధమే 

మీరుచు మాచెవుల నమృతమే నింపునుగా.

ఘంటసాల పాటల "కందాలు" - 72

కందము: 

"ఊహలు గుసగుసలాడే"

మాహృదయములూగిసాడు మరివిన హాయౌ 

ఆహా! నెరవెన్నెలలన్ 

సాహో నెలరాజు గురియు చందమువోలెన్.

 

ఘంటసాల పాటల "కందాలు" - 71

 

కందము: 

"ఏడూ కొండల సామీ "

వేడుచునీ పాటబాడ వేంకట పతియే

వీడక చేయూతనిడుచు 

పాడిగ దరిజేరదీయు భావన కలుగున్.

ఘంటసాల పాటల "కందాలు" - 70

 

కందము: 

"బొమ్మను చేసీ" గీత

మ్మమ్మో ప్రతి తెలుగు వాడి "హార్టు"న నిలుచున్

నెమ్మది, విషాదమందున

"బెమ్మయ్య"ను దలచియేడ్చి వినువీధి గనున్. 

 

"గోలీ"లు - 70

  

కందము: 

లోకులనెప్పుడు దిట్టకు

"లో" కులమనుచెవరినైన, లోకువ యగుగా! 

"ఆకుల"మే యొక రెమ్మకు

ఆ"కుల"మీకులమటునిటు నమరెను గోలీ! 

"గోలీ"లు-69

  

కందము: 

కడుపున దన్నుచు బుట్టిన 

గడుపారగ బ్రేమబంచుగద సంతునకున్     

కడుపుననుంచుక జూచును 

కడుపుణ్యపురాశి యమ్మ కదరా గోలీ! 

ఘంటసాల పాటల "కందాలు" - 69

  

కందము: 

"నా సరి నీవని" పాటను  

ధ్యాసగ వినినంత మనసు తా పరవశమౌ 

కూసింత రాగమందుక 

మూసిన నోరైనగాని ముచ్చట బాడున్.

ఘంటసాల పాటల "కందాలు" - 68

 

కందము: 

"అంతగ నను చూడకు" మని

వింతగ గురిచూడకనుచు వినబడు పాటన్

సాంతము వినుచును ప్రేమన్

సుంతైనను సరసమాడు చుందురు జంటల్.