మీకు మీ కుటుంబ సభ్యులకు దీపావళి శుభాకాంక్షలు.
సీసము:
చెణుకును విసరగ సీమటపాకాయ
చిలిపిమాటదియగు చిచ్చుబుడ్డి
వాదనమ్మునుజేయ వంకాయ బాంబౌను
మాట మంచిదియైన మరిమతాబు
ముచ్చట్లు దిరుగగా భూచక్రమును బోలు
పరుషవాక్యమెపుడు పాము బిళ్ళ
హద్దుగనని పల్కు హవ్వాయి చువ్వాయి
విష్ణుచక్రమగును వినయ వాక్కు
ఆటవెలది:
మాటవిలువదెలిసి మహిలోన మెలిగిన
వెలుగు జీవితమ్ము కలిమి నిండు
దీని విలువ దెలియ దీపాల పండుగ
నిలచియుండునెపుడు నిజము నిజము.
No comments:
Post a Comment