సీసము:
ధరలు ధరను వీడి 'తార జువ్వ'ల వోలె
పైకెగయక కనబడిన నాడు
భుగభుగ మంటలన్ 'భూచక్రము'గ గాక
చల్లబడుచు భూమి సాగు నాడు
మారణ హోమాల మానవ 'బాంబు'లే
మహిని పేలక శాంతి మసలు నాడు
సరిహద్దు దేశమ్ము సరి 'చిచ్చు' బుడ్డులే
మండించకుండగా నుండు నాడు
తేటగీతి:
స్త్రీల, బాలల బట్టుక జెరచు ఖలుల
'విష్ణుచక్రమ్ము' ఖండించి వెలుగునాడు
నిండు వెలుగులు భువిపైన మెండుగాను
నిజము దీపాల పండుగౌ ప్రజకు నాడు.
No comments:
Post a Comment