ఈశ్వరానుగ్రహ ప్రాప్తిరస్తు
మీకు మీ కుటుంబ సభ్యులు అందరకు "మహా శివరాత్రి" శుభాకాంక్షలు.
కందము:
కొండంత దేవుడీవని
కొండంతగ వరములీయ కోరముర హరా!
కొండంత అండగుండుము
కొండెక్కెడివరకు మాకు కోరెదమిదియే.
ఆటవెలది:
చల్ల కొండమీది సామివే నీవయ్య
పాల కడలి పైని పద్మ నాభు
నెయ్యమందినావు, నీగొప్ప దెలియగ
పెరుగు భక్తి మాకు ప్రియముగాను.
ఉత్సాహము:
భయము గలుగదయ్య నరులు భక్తి నిన్ను గొల్వగా
జయములవియె చేరనడచు శంకలేక వేడగా
నయముగలుగు జీవితమున నమ్మి పూజ సేయగా
లయములగును కష్టములును లాభమొదవు ఈశ్వరా .
No comments:
Post a Comment