కందము
మేటిగ నుండును రుచులన్
చేటుల్ కలుగంగ బోవు సేవించగ, మీ
రే, "టీ" నే త్రాగండయ
పోటీ పానీయమేది పుడమిని జూడన్.
కందము:
నీరును కాళ్ళకు, త్రాగెడు
నీరును నీవీయకున్న నిందించరు, తే
నీరును, వచ్చిన యతిథికి
తీరుగ నీ వీయకున్న దెప్పుదురిలలో.
ఆటవెలది:
అల్లము మరి సొంఠి, యావాలు, నిమ్మయు
బ్లాకు, వైటు, గ్రీను, బాదములును
రకములెన్నొ గలవురా! త్రాగు "టీ" లలో
దేనికదియె రుచుల దెలిసికొనుము.
ఆటవెలది:
చదువుకొనగ నిచ్చు సహనమ్ము "తేనీరు"
కష్టజీవి శక్తి గాచు "టీ"యె
ఉస్సురనెడువారి కుత్సాహమీ "చాయి"
బ్రతుకు తెరువు జూపు భాగ్యశాలి.
No comments:
Post a Comment