నిద్దుర పోవువాఁడు ధరణిన్ ఘనకీర్తి గడించి మించెడిన్

శ్రీ కందిశంకరయ్య గారు "శంకరాభరణం" బ్లాగునందు 27 - 08 - 2016 న ఇచ్చిన
సమస్యకు నా పూరణ.



సమస్య - నిద్దుర పోవువాఁడు ధరణిన్ ఘనకీర్తి గడించి మించెడిన్



ఉత్పలమాల: 
సుద్దులునేర్చి నల్వురును చూడగ గొప్పగ చెప్పనెంచియున్ 
కద్దగు బుద్ధిగల్గి ఘనకార్యము జేయగ లోకమందునన్ 
పెద్దలు జెప్పు బాటలను పేర్మిని సాధన తోడ, వీడుచున్ 
నిద్దుర, పోవువాఁడు ధరణిన్ ఘనకీర్తి గడించి మించెడిన్.