కుచము గోసె మగడు కూర కొరకు

శ్రీ కంది శంకరయ్య గారు "శంకరాభరణం" బ్లాగునందు 29 -7-2012 న ఇచ్చిన
సమస్యకు నా పూరణ.


సమస్య - కుచము గోసె మగడు కూర కొరకు

ఆటవెలది:
మేత వేసి పెంచి మేక నొక్కటి నాడు
పండు గనుచు దెచ్చి భార్య కెదుట
కత్తి బట్టి నొక్కి కంఠమ్ము, ముందుగా
కుచము గోసె మగడు కూర కొరకు

ఒక భార్యా భర్త తమ తోట లో కాసిన దోస కాయల పరిమాణమును సరసముగా వర్ణిస్తూన్న భావన ...
ఆటవెలది:
దోర వయసు జంట దోస తోటను జేరె
తాటి కాయలనియె తరుణి జూచి
నీదు కుచము లనుచు నిగ నిగ దోసను
కుచము గోసె మగడు కూర కొరకు.